استحکام پاکستان پارٹی (آئی پی پی) کے اہم اجلاس میں آئندہ عام انتخابات اور مسلم لیگ (ن) کے ساتھ سیٹ ایڈجسٹمنٹ پر مشاورت کی گئی جبکہ جہانگیر ترین نے پارٹی رہنماؤں کو الیکشن میں بھرپور تیاری کے ساتھ حصہ لینے کی ہدایت کر دی۔
استحکام پاکستان پارٹی کا اہم مشاورتی اجلاس مرکزی سیکرٹریٹ لاہور میں پیٹرن انچیف استحکام پاکستان پارٹی جہانگیر خان ترین کی زیر صدارت ہوا۔
اجلاس میں انتخابی حکمت عملی، عوامی رابطہ مہم، اور مسلم لیگ (ن) سے ہونے والی سیٹ ایڈجسٹمنٹ سے متعلق امور زیر غور آئے۔
اجلاس میں پارٹی رہنماؤں کی جانب سے مختلف تجاویز اور قومی اور صوبائی اسمبلی کے حلقوں میں ٹکٹوں کی تقسیم پر بھی مشاورت کی گئی۔
جہانگیر ترین نے پارٹی رہنماؤں کو الیکشن میں بھرپور تیاری کے ساتھ حصہ لینے کی ہدایت کردی۔
استحکام پاکستان پارٹی کا کسی بھی جماعت سے سیٹ ایڈجسٹمنٹ نہ کرنے کافیصلہ
نواز شریف کی چوہدری شجاعت کو 5 نشستوں پر سیٹ ایڈجسٹمنٹ کیپیشکش
نگران سیٹ اپ پر ن لیگ کی 5 رکنی مذاکراتی کمیٹی تشکیل، فیصلہ نوازکرینگے، شہباز کا زرداری کو جواب
اجلاس میں آئی پی پی رہنما اسحاق خاکوانی، عون چوہدری، نعمان لنگڑیال، فردوس عاشق اعوان، کرنل ہاشم ڈوگر، مراد راس، فیاض چوہان سمیت دیگر رہنما شریک ہوئے۔
