اسرائیلی وزیراعظم نیتن یاہو نے لبنان کو غزہ میں تبدیل کرنے کی دھمکی دے دی ہے۔
نیتن یاہو نے کہا کہ اگر حزب اللہ نے حماس کے ساتھ اسرائیل کی جنگ میں دوسرا محاذ کھولا تو لبنان میں تباہی ہوگی۔
انہوں نے کہا کہ مزاحمتی تنظیم حزب اللہ جنگ میں شامل ہوکر اپنے ہاتھوں سے بیروت اور جنوبی لبنان کوغزہ اور خان یونس میں بدل دے گا۔
خیال رہے کہ غزہ میں اسرائیل کی کارروائیاں تیسرے مہینے میں داخل ہوگئیں، اب تک 17 ہزار سے زائد فلسطینی شہید ہوچکے ہیں، ہلاک اسرائیلی فوجیوں کی تعداد 89 ہوگئی ہے۔
غزہ کی آبادی کا پچیاسی فیصد حصہ بے گھر ہوگیا ہے، اسرائیلی فوجیوں نے بیت الاہیا میں کئی گھروں کو آگ لگادی جبکہ اسکول بھی جلادیا۔
اسرائیلی کارروائی پر حماس کے جوابی حملے جاری ہیں، جھڑپوں کے دوران سابق اسرائیلی آرمی چیف کا بیٹا اور ایک میجر مارا گیا۔
