کراچی میں ملزمان مبینہ طور پر ایک کروڑ سے زائد مالیت کے موبائل فون لے کر فرار ہوگئے۔

موبائل فون کی شاپ پر لوٹ مار کا واقعہ ملیر ہالٹ پل کے قریب پیش آیا۔

موٹرسائیکل سوار ملزمان نے موبائل فون شاپ کے مالک سے 60 موبائل فون چھینے اور فرار ہوگئے۔

متاثرہ شہری کا دعویٰ ہے کہ موبائل فونز کی مالیت ایک کروڑ سے زائد تھی۔

پولیس کا کہنا ہے کہ موبائل شاپ پر ڈکیتی کا واقعہ گزشتہ رات پیش آیا تھا، واقعہ کی تحقیقات جاری ہیں۔