وزیراعلیٰ پنجاب محسن نقوی نے 13 سال سے تعطل کا شکار دودوچھہ ڈیم کا سنگ بنیاد رکھ دیا۔ محسن نقوی نے کہا کہ دو سال میں تکمیل کے بعد یہ ڈیم راولپنڈی شہر میں پانی کی ضروریات کو پورا کرے گا۔
وزیراعلیٰ محسن نقوی نے راولپنڈی میں ڈیم پر تعمیراتی کام کا باقاعدہ آغاز کیا، پراجیکٹ سائٹ کے معائنے کے موقع پر ایف ڈبلیو او حکام نے انھیں بریفنگ دی۔
میڈیا سے گفتگو میں محسن نقوی نے کہا کہ راولپنڈی شہر کو پانی کی شدید قلت کا سامنا ہے، گرمیوں میں صورتحال مزید خراب ہو جاتی ہے جہاں شارٹ فال 60 ایم جی ڈی تک پہنچ جاتا ہے۔
انھوں نے کہا کہ 14 ارب کی لاگت سے بننے والا یہ ڈیم دو سال میں اپنی تکمیل کے بعد راولپنڈی شہر کیلئے 35 ملین گیلن روزانہ پینے کا صاف پانی مہیا کرے گا۔
پنجاب حکومت کا وقتی طور پر تمام اسموگ پابندیاں ختم کرنے کا فیصلہ
لاہور میں طالبات کی بس پر فائرنگ کرنے والے 6 ملزمان گرفتار
’پاکستان سے یو اے ای کو گوشت کی ایکسپورٹ پر پابندی میں 6 ماہ کی توسیع‘
محسن نقوی نے کہا کہ اسپتالوں کی اپ گریڈیشن کا کام ہر صورت جاری رہے گا، کسی کو اس کام میں رکاوٹ نہیں ڈالنے دیں گے، ینگ ڈاکٹرز کے مطالبات اگلی حکومت دیکھے گی۔
