اکثر و بیشتر تنازعات میں گھری رہنے والی پاکستانی معروف اداکارہ ہانیہ عامر کے نئے ٹیٹو نے انٹرنیٹ پر ہنگامہ کھڑا کردیا ہے۔
ہانیہ عامر نے لندن میں اپنے دائیں بازو کی اندرونی جانب مشہور زمانہ کارٹون ”دی پاور پف گرلز“ کا معروف کردار ”ببلز“ گدوایا، اور دبئی سے اس کی تصاویر شئیر کیں۔
لیکن جیسے ہی تصاویر وائرل ہوئیں انہیں شدید تنقید کا سامنا کرنا پڑا۔
صارفین نے ٹیٹو بنوانے پر ناپسندیدگی کا اظہار کیا اور کئی فالوورز نے انہیں ان فالو کرنے کی بات بھی کی۔
کچھ صارفین نے انہیں آخرت سے ڈرایا تو کچھ نے انہیں یاد دلایا کہ وہ مسلمان ہیں۔
کچھ منچلے بابراعظم کا نام لے کر بیان بازی کرتے رہے۔
