معروف ٹی وی میزبان وسیم بادامی کا آفیشل ایکس (ٹوئٹر) اکاؤنٹ مبینہ طور پرہیک کر لیا گیا۔

اکاؤنٹ ہیک کیے جانے کی خبر اقرارالحسن نے اپنے آفیشل ایکس اکاؤنٹ پر شیئرکی۔

اقرار الحسن نے پوسٹ میں واضح کیا کہ وسیم بادامی کے اکاؤنٹ کا کنٹرول دوبارہ حاصل ہوجانے تک ان کے ہینڈل سے کی جانے والی تمام پوسٹس کو نظرانداز کیا جائے۔

ہیکر نے یہ بھی پوسٹ کیا کہ وسیم بادامی کے اکاؤنٹ سے آج ایک بڑ اعلان کیا جائے گا۔

ٹیلی ویژن میزبان اور نیوز اینکر وسیم بادامی نجی چینل اے آر وائی نیوز پر سیاسی ٹاک شو ’الیونتھ آور‘ کی میزبانی کرتے ہیں۔

سوشل میڈیا پرمتحرک رہنے والے وسیم بادامی کو ان کے آفیشل ایکس اکاؤنٹ پر 51 لاکھ سے زائد افراد فالو کرتے ہیں۔