آج کل ہر شخص پیٹ کی زائد چربی کی وجہ سے پریشان نظر آتا ہے, جس کی بدولت وہ بہت سی جگہوں پر آنے جانے سے بھی کتراتا ہے۔
پیٹ کی ضرورت سے زیادہ چربی آپ کو صحت کے متعدد مسائل سے دوچار کرسکتی ہے اور اس کو ختم کرنا ایک مشکل مرحلہ ہوتا ہے۔
پیٹ کی زیادہ چربی کی وجہ سے آپ کی صحت کے متعدد مسائل پیدا ہونے کا خطرہ بھی بڑھ جاتا ہے۔ یہی وجہ ہے کہ اس سے چھٹکارا پانے کے لئے ضروری اقدامات کرنا ضروری ہیں۔
یہاں چند ایسے کھانوں کی فہرست موجود ہے جن سے دور رہ کرآپ پیٹ کی ضدی چربی سے چھٹکارا حاصل کرسکتے ہیں۔
آئس کریم کی ہر وقت خواہش آپ کے بڑھے ہوئے وزن کو مزید بڑھانے میں اہم کردار ادا کرتی ہے۔ کیونکہ آئس کریم میں بڑی مقدار میں چینی اور سیچوریٹڈ فیٹس موجود ہوتے ہیں۔
اگر آپ آئس کریم کا بہت زیادہ استعمال کرتے ہیں تویہ آپ کے وزن میں اضافے کا باعث بن سکتا ہے۔
سفید ڈبل روٹی (بریڈ) پیٹ کی چربی کے بڑھتے ہوئے خطرے سے منسلک ہوتی ہے۔ اس میں ایک اعلیٰ گلائسیمک انڈیکس ہوتا ہے۔
جو کہ خون میں شکر کی سطح میں تیزی سے اضافے کا باعث بن سکتا ہے۔ سفید ڈبل روٹی میں انتہائی پروسیسڈ آٹا اور اضافی اجزاء ہماری صحت کے لئے انتہائی نقصان دہ ہوسکتے ہیں۔
بیکری کے آلو والے چپس ہر شخص کی پسند ہوتے ہیں، اگرچہ یہ ہماری بے وقت کی بھوک کے لئے ایک بہترین خوراک ہوتی ہے، لیکن یہ اطمینان ذیادہ دیر تک نہیں رہتا۔
یہ آسان طریقے اپنا کر اپنا موٹاپا دنوں میں ختم کریں
ایک پیکٹ آلو کے چپس ختم تو منٹوں میں ہوتے ہیں لیکن یہ اتنی ہی جلدی آپ کے پیٹ کی ناپسندیدہ چربی میں اضافے کا باعث بھی بن سکتے ہیں۔
پیک شدہ جوس مصنوعی مٹھاس اور پریزرویٹوز سے بھرے ہوتے ہیں۔ لیکن گھر میں بنے جوس میں بھی چینی کی کچھ مقدارموجود ہوتی ہے۔
اگرچہ جوس کو صحت مند سمجھا جاتا ہے لیکن اس کو بھی اعتدال میں استعمال کرنا چاہئے۔
