بھارتی فاسٹ بولر محمد شامی نے کار حادثے میں زخمی لوگوں کو بچا کر لاکھوں دل جیت لیے ہیں۔

شامی نے اپنے سوشل میڈیا اکاؤنٹ پر واقعے کی ویڈیو شیئر کرتے ہوئے لکھا کہ وہ بہت خوش قسمت ہیں کہ خدا نے انہیں دوسرے شخص کی زندگی بچانے کا موقع دیا ہے۔

انہوں نے لکھا کہ اس شخص کی گاڑی میرے سامنے نینی تال کے قریب پہاڑی سڑک سے نیچے گر گئی۔ ہم نے انہیں بحفاظت باہر نکالا۔

اس کے بعد وہ ویڈیو میں زخمیوں کی مدد کرتے بھی نظر آ رہے ہیں، جبکہ ان کے ارد گرد بہت سے لوگ موجود ہیں۔

شامی کی جانب سے شیئر کی گئی ویڈیو کو اب تک 7 لاکھ 72 ہزار سے زیادہ لا ئیکس مل چکے ہیں۔