حماس کے سابق رہنما خالد مشعال نے غزہ میں غیرملکی انتظامیہ کو مسترد کردیا ہے۔
انٹرنیشنل اسلامک فورم آف پارلیمنٹرینز سے خطاب میں انہوں نے کہا کہ غزہ کا نظام چلانے کے لیے کسی عالمی یا عرب افواج کی ضرورت نہیں ہے۔
خالد مشعال نے کہا کہ ایسے ہر منصوبے کو ناصرف مسترد کرتے ہیں بلکہ اسے ناکام بھی بنادیا جائے گا۔
واضح رہے کہ خالد مشعال حماس کے سیاسی ونگ سے2017 میں سُبکدوش ہوئے تھے۔
گزشتہ روز ہی حماس اور اسرائیل کے درمیان غزہ میں 7 ہفتوں کے بعد 4 روزہ جنگ بندی پر پہلی بار عملدرآمد شروع ہوگیا۔
جنگ بندی کے دوران معاہدے کے تحت حماس نے 12 تھائی شہریوں سمیت 25 یرغمالی اور اسرائیل نے 39 فلسطینی قیدیوں کو رہا کردیا ہے۔
