محکمہ موسمیات نے رواں ہفتے کے آخر میں کراچی سمیت سندھ بھر میں گرج چمک کے ساتھ بارش کی پیش گوئی کی ہے۔

محکمہ موسمیات کا کہنا ہے کہ کراچی میں موسم ابر آلود رہے گا، جبکہ بارش سے درجہ حرارت میں کمی آئے گی۔

شہر کا کم سے کم درجہ حرارت 17 ڈگری سینٹی گریڈ رہنے کا امکان ہے، جبکہ شمال مشرق اور مشرق سے ہوائیں چلتی رہیں گی۔

سندھ کے دیگر علاقوں میں رات کے وقت موسم خشک اور سرد رہنے کا امکان ہے اور صبح کے وقت ہلکی دھند پڑ سکتی ہے۔