مکہ کے اطراف پہاڑوں پر لمبی لمبی گھاس لہرا رہی ہے۔ یہ پہاڑ صدیوں سے بنجر رہے ہیں، لیکن رواں برس مکہ سمیت حجاز میں بھرپور بارشیں ہوئیں۔
ناسا کی جانب سے فراہم کردہ سیٹلائٹ کی تصاویر میں بھی یہ ہریالی دِکھائی دیتی ہے۔ بارشوں کے سبب اب یہاں ہر طرف ہریالی کا منظر ہے۔
سعودی پریس ایجنسی کے مطابق شہر مکہ مکرمہ اور اس کے اطراف کے پہاڑ کئی ہفتوں کی موسلا دھار بارشوں کے بعد سرسبز و شاداب ہو گئے ہیں۔
سٹیلائٹ تصاویر میں سعودی عرب کے کئی حصوں خاص طور پرمغربی سعودی عرب کے خشک علاقوں میں بھی سبزہ نظر آ رہا ہے۔
سعودی عرب کے ذرائع ابلاغ نے سوشل میڈیا پر ویڈیو کلپ شیئر کیے ہیں جن میں بارشوں کے بعد کا ماحولیاتی اثردیکھا جاسکتا ہے۔
اس غیر معمولی صورتحال کی تصاویر اور ویڈیوز سوشل میڈیا پر تیزی سے وائرل ہیں، اور بہت سے صارفین کو حیران کر رہی ہیں۔
حماس کے حملے پر سعودی عرب، قطر سمیت عالمی ردعمل آگیا
سعودی عرب کے نئے نقشے پر اسرائیل برہم
سعودی عرب میں اسرائیلی وفد کی عبادت، تورات پڑھی گئی
کچھ لوگوں نے مکہ مکرمہ کی اچانک ہریالی کو نبی اکرم صلی اللہ علیہ وسلم کی ایک حدیث مبارکہ سے جوڑا ہے۔
جس میں آپ صلی اللہ علیہ وسلم نے فرمایا ہے کہ ’قیامت اس وقت تک نہیں آئے گی جب تک کہ سرزمین عرب گھاس کے میدانوں اور دریاؤں میں تبدیل نہ ہو جائے‘۔
لیکن بہت سے سعودی شہریوں کا یہ بھی کہنا ہے کہ ماضی میں بھی بارشوں کے بعد مکہ میں ہریالی دیکھی جا چکی ہے لہذا غیر ذمہ دارانہ باتوں سے گریز کیا جائے۔
