لاہور ہائی کورٹ نے محمد خان بھٹی کی تقرری کیس میں سابق وزیراعلیٰ پرویز الٰہی کی درخواست ضمانت سماعت کے لئے مقرر کرنے کی ہدایت کردی۔

لاہور ہائی کورٹ میں پرویز الٰہی کی محمد خان بھٹی کی تقرری کیس میں درخواست ضمانت پر سماعت ہوئی۔

عدالت عالیہ نے دفتری اعتراض ختم کر کے درخواست سماعت کے لیے مقرر کرنے کی ہدایت کر دی۔

وکیل نے مؤقف اپنایا کہ دفتر نے تصدیق شدہ نقول منسلک نہ کرنے کا اعتراض عائد کیا ہے، لہٰذا اسے منسلک کر دیتے ہیں، البتہ سیاسی بنیادوں پر پرویز الٰہی کے خلاف مقدمہ قائم کیا گیا۔

یہ بھی پڑھیں:

اینٹی کرپشن عدالت نے پرویز الہٰی کی درخواست ضمانت پر فیصلہسنادیا

منی لانڈرنگ کیس: پرویز الہٰی، مونس الہٰی اور فیملی کے تمام بینکاکاؤنٹس منجمد

واضح رہے کہ گزشتہ دنوں لاہور کی اینٹی کرپشن عدالت نے پنجاب اسمبلی میں محمد خان بھٹی کی بطور پرنسپل سیکرٹری بھرتی کے کیس میں پرویز الہٰی کی درخواست ضمانت خارج کردی تھی۔