قومی کرکٹ ٹیم کے سابق کپتان بابراعظم کی سوئٹرشرٹ کی قیمت نے صارفین کو حیرت سے دوچارکردیا۔ کرکٹرنے مہنگے کپڑے پہننے میں کئی شوبزشخصیات کو بھی پیچھے چھوڑ دیا۔
گزشتہ روز دورہ آسٹریلیا کے لیے قومی کرکٹ ٹیم کا ٹیسٹ اسکواڈ پریکٹس سیشنز کے لیے روالپنڈی پہنچا جہاں کھلاڑیوں نے ہیڈ کوچ و ٹیم ڈائریکٹر محمد حفیظ، فاسٹ اور اسپن بولنگ کوچز سمیت دیگر سے ملاقات کی۔
اس ملاقات کے موقع پر لی گئیں چند تصاویر اور ویڈیوز سوشل میڈیا پر جاری کی گئیں جن میں بابراعظم، سرفراز احمد، کپتان شان مسعود اور دیگر کھلاڑیوں کو ایک ساتھ بیٹھے دیکھا گیا۔
بابر اعظم کی لیگ اسپنرعثمان قادر اور ٹیسٹ ٹیم کے کپتان شان مسعود کے ہمراہ تصویر کو خاص توجہ ملی جس کی وجہ ان کی سوئٹرشرٹ ہے، شرٹ پر سجے بھالو میاں کے علاوہ قیمت نے بھی صارفین کو خاصا حیران کیا۔
یہ بھی پڑھیں:
دورہ آسٹریلیا کیلئے تیاری، قومی ٹیسٹ اسکواڈ نے تیاری شروعکردی
تجسس کے مارے ایک صارف نے معروف غیر ملکی برانڈ رالف لوئرن کے اس سویٹر کی قیمت کا بھی پتا لگا لیا۔
صارف کی جانب سے کی گئی پوسٹ کے مطابق بابراعظم کی جانب سے پہنا گیا غیر ملکی برانڈ کا سویٹرپاکستانی روپوں میں تقریباً ایک لاکھ 23 ہزارروپے سے زائد کا ہے۔
