لاہور ہائی کورٹ کے 2 رکنی بینچ نے 9 مئی کو فیصل آباد میں خفیہ ادارے کے آفس پر حملے میں ملوث ملزمان کی ضمانت کی درخواستوں پر سماعت سے معذرت کرلی اور کیس چیف جسٹس کو بھجوا دیا۔

لاہور ہائیکورٹ میں 9 مئی کو فیصل آباد میں خفیہ ادارے کے آفس پر حملے میں نامزد عالیہ حمزہ سمیت دیگر کی ضمانت کی درخواستوں پر سماعت ہوئی۔ جسٹس شہرام سرور چوہدری کی سربراہی میں دو رکنی بنچ نے سماعت کی۔

بینچ کے رکن جسٹس علی ضیاء باجوہ نے ذاتی وجوہات کی بنا پر کیس پر سماعت سے معذرت کرلی، اور بینچ نے درخواستیں چیف جسٹس کو بھجوا دیں۔

واضح رہے کہ درخواست گزاروں نے ضمانت بعد از گرفتاری کیلئے رجوع کر رکھا ہے۔