نگراں حکومت نے ملکی برآمدات کو بڑھانے کے لیے بڑا فیصلہ کرتے ہوئے ایکسپورٹ ایڈوائزری کونسلز تشکیل دے دیں۔
ذرائع کا کہنا ہے کہ ٹیکسٹائل اور نان ٹیکسٹائل ایکسپورٹ ایڈوائزری کونسل قائم کرنے کا فیصلہ کیا گیا ہے۔
نگراں حکومت کے جاری نوٹیفکیشن کے مطابق وزیرتجارت و صنعت گوہر اعجاز ایکسپورٹ ایڈوائزری کونسلز کے سربراہ مقرر کیے گئے ہیں جبکہ مصدق ذوالقرنین ، فواد انور، شاہد صورتی ٹیکسٹائل ایڈوائزی کونسل کے رکن ہوں گے۔
نوٹیفکیشن کے مطابق میاں احسن، یعقوب احمد، عامر فیاض اور شاہد عبداللہ کو بھی رکن مقرر کیا گیا ہے، ان کے علاوہ شہزاد ملک ، وحید احمد اور خلیل ستار نان ٹیکسٹائل ایڈوائزری کونسل کے رکن ہوں گے جبکہ ذوالفقار ملک، سلمان حنیف عدنان ہیرانی اور زبیر طفیل ایڈوائزری کونسل کے رکن مقرر کیے گئے ہیں۔
جاری کیے گئے نوٹیفکیشن کے مطابق سیکریٹری تجارت ، خزانہ ، چیئرمین ایف بی آر ایڈوائزری کونسلز کے رکن ہوں گے جبکہ چیف سیکریٹریز بھی ایڈوائزری کونسلز کے رکن ہوں گے۔
