لاہور کی اینٹی کرپشن عدالت نے پنجاب اسمبلی میں محمد خان بھٹی کی بطور پرنسپل سیکرٹری بھرتی کے کیس میں سابق وزیراعلیٰ پنجاب چوہدری پرویز الہٰی کی درخواست ضمانت خارج کردی۔
اینٹی کرپشن عدالت لاہور کے جج ارشد حسین بھٹہ نے درخواست ضمانت بعدازگرفتاری پر سماعت کی۔
چوہدری پرویزالہٰی کے وکیل نے مؤقف اختیار کیا کہ پرویزالہٰی جوڈیشل ریمانڈ پر جیل میں ہیں ان سے مزید تفتیش درکار نہیں، عدالت ضمانت بعدازگرفتاری پر رہا کرنے کا حکم دے۔
پراسکیوشن نے پرویزالہٰی کی درخواست ضمانت کی مخالفت کی اور استدعا کی کہ پرویزالٰہی کی ضمانت خارج کی جائے۔
عدالت نے وکلا کے دلائل کے بعد پرویزالہٰی کی درخواست ضمانت پر فیصلہ سناتے ہوئے ان کی درخواست ضمانت مسترد کردی۔
یاد رہے کہ سابق وزیراعلیٰ پنجاب چوہدری پرویزالہٰی پر محمد خان بھٹی کی بطور پرنسپل سیکرٹری غیر قانونی بھرتی کا الزام ہے۔
پرویز الہٰی کے قریبی ساتھی محمد خان بھٹی بلوچستان سےگرفتار
اینٹی کرپشن پنجاب نے پرویز الہٰی کیخلاف ایک اور مقدمہ درجکرلیا
