اسلام آباد کی ڈسٹرکٹ اینڈ سیشن کورٹ نے کمسن گھریلو ملازمہ رضوانہ پر تشدد کیس میں ملزمہ سول جج کی اہلیہ سومیہ عاصم کو فرد جرم کی کارروائی کے لیے طلب کرلیا۔
کمسن گھریلوملازمہ رضوانہ تشدد کیس کی سماعت سول جج عمر شبیرکی عدالت نے کی، ملزمہ سومیہ عاصم کی بجائے ان کے وکیل عدالت میں پیش ہوئے۔
پراسیکیوٹر اور تفتیشی افسر بھی ریکارڈ سمیت عدالت میں پیش ہوئے اور عدالت کو بتایا کہ چالان رپورٹ عدالت جمع کرادی گئی ہے۔
سماعت کے دوران پراسیکیوٹر نے کہا کہ جو فائل میں موجود ہے یہ چالان عارضی ہے حتمی نہیں ہے لیکن ٹرائل شروع کرنے اور فرد جرم کے لیے کافی ہے۔
بعدازاں عدالت نے چالان نقول کی تقسیم کے لیے ملزمہ کو طلب کرتے ہوئے کیس کی مزید سماعت 9 دسمبر تک ملتوی کردی۔
رضوانہ تشدد کیس: وزارت انسانی حقوق و دیگر کو نوٹسجاری
