صادق آباد میں سرحدی چیک پوسٹ پر پولیس نے بروقت کارروائی کرتے ہوئے تین شہریوں کوکچے کے ڈاکوؤں کے ہاتھوں اغواء ہونے سے بچا لیا۔

ڈاکوؤں نے دو شہریوں کو نرسری لگوانے کچے میں بلوایا جبکہ ایک شہری کو لڑکی سے دوستی کا جھانسہ دے کر کچے بلوایا تھا۔

اے ایس پی بنگل خان کا کہنا ہے کہ اب تک237 افراد کو اغواء ہونے سے بچایا، کچے کے ڈاکو عملی طور پر ناکام ہونے کے بعد سوشل میڈیا پر لالچ بھرے اشتہاروں سے سادہ لوح افراد کو کچے بلوا رہے ہیں۔