کوئٹہ میں پریس کانفرنس کرتے ہوئے نگراں صوبائی وزیر اطلاعات بلوچستان جان اچکزئی کا کہنا تھا کہ پاکستان دنیا میں ہرقسم کی دہشت گردی کی مذمت کرتا ہے، دہشت گرد پاکستان کی سیکیورٹی کیلئے خطرہ بن چکے ہیں، اور ان متعلق پاکستان دفترخارجہ افغانستان کو آگاہ کرچکا ہے، افغان حکومت مطلوب دہشت گردوں کو پاکستان کے حوالےکرے۔
جان اچکزئی کا کہنا تھا کہ جنوری تک تمام غیرقانونی تارکین وطن کو بھیجناچاہتے ہیں، افغانستان میں خانہ جنگی ختم ہوچکی ہے، تمام افغان باشندوں کو واپس جانا ہوگا، افغانستان افغان مہاجرین کی باعزت آبادکاری یقینی بنائے۔
نگران وزیراطلاعات نے کہا کہ ہمارے بھائی چارے کو ہماری کمزوری نہ سمجھا جائے، اداروں کو بدنام کرنے کی کوشش کا منہ توڑجواب دیا جائے گا، ہم نے بھارتی جارحیت کا منہ توڑجواب دیا تھا، سہولت کاری کسی بھی شکل میں برداشت نہیں کی جائے گی۔
