ڈیجیٹل سیکیورٹی کمپنی ”میک ایفی“ (McAfee) نے واٹس ایپ پر موصول ہونے والے سات ایسے پیغامات سے خبردار کیا ہے جو آپ کو بڑے فراڈ کا شکار بنا سکتے ہیں۔
میک ایفی نے حال ہی میں اپنی گلوبل اسکیم میسج اسٹڈی جاری کی ہے۔ اس رپورٹ میں اسمارٹ فون استعمال کرنے والوں کو خبردار کیا گیا ہے اور 7 ایسے خطرناک میسجز کی فہرست دی گئی ہے جو مجرم آپ کی ڈیوائسز کو ہیک کرنے یا رقم چوری کرنے کے لیے ایس ایم ایس کے زریعے یا واٹس ایپ پر بھیجتے ہیں۔
رپورٹ میں دعویٰ کیا گیا ہے کہ 82 فیصد لوگ اس طرح کے جعلی پیغامات پر کلک کرتے ہیں اور نقصان اٹھاتے ہیں۔
یہاں ایسے 7 خطرناک پیغامات پیش کیے جارہے ہیں جن پر آپ کو کبھی کلک نہیں کرنا چاہیے۔
یہ پیغام مختلف شکلوں معمولی تبدیلیوں کے ساتھ بھی آسکتا ہے، پاکستان میں یہ کبھی بینظیر انکم سپورٹ تو کبھی دوسرے انعامی لالچ کے ساتھ موصول ہوتا ہے، ایسے پیغامات ایک فراڈ ہوتے ہیں اور ان کا مقصد آپ اہم نجی معلومات یا رقم چوری کرنا ہے۔
یہ بھی ایک خطرناک پیغام ہے۔ یاد رکھیں نوکری کی پیشکش کبھی بھی واٹس ایپ یا ایس ایم ایس پر نہیں آتی۔ کوئی بھی پیشہ ور کمپنی ان پلیٹ فارمز پر آپ سے کبھی رابطہ نہیں کرے گی، لہذا یہ ایک یقینی فراڈ ہے۔
ایس ایم ایس یا واٹس ایپ پر موصول ہونے والے ایسے بینک الرٹس جن میں صارفین کو پیغام میں موجود یو آر ایل/لنک پر کلک کرنے کیلئے کہا گیا ہو ایک فراڈ ہے۔ ان کا مقصد آپ کے پیسے چوری کرنا ہے۔
کسی خریداری کے بارے میں کوئی بھی اپ ڈیٹ جو آپ نے نہیں کی ہے ایک دھوکہ ہے۔ اس طرح کے پیغامات آپ کولنک کلک کرنے اور فون ہیک کرنے کے لیے لکھے جاتے ہیں۔
او ٹی ٹی کی مقبولیت میں اضافے کے ساتھ، اسکیمرز اسمارٹ فون صارفین کو Netflix یا دیگر OTT سبسکرپشنز سے جڑے پیغامات بھیج کر راغب کرنے کی کوشش کرتے ہیں۔ یہ مفت پیشکشیں یا پیغامات ہو سکتے ہیں جن میں سبسکرپشنز ختم ہونے کی بات یا کوئی زبردست آفر کی جاتی ہے۔
مسڈ ڈیلیوری یا دیگر ڈیلیوری کے مسائل کے بارے میں ایس ایم ایس یا واٹس ایپ کی اطلاعات بھی خطرناک ہیں۔ یہ اس وقت بھی ہو سکتا ہے جب آپ خریداری کر چکے ہوں۔
ایمیزون سیکیورٹی الرٹ، یا آپ کے اکاؤنٹ میں کسی بھی اپ ڈیٹ کے بارے میں اطلاعی پیغامات بھی جلع سازی کے پھندے ہیں۔ براہ کرم نوٹ کریں کہ ایمیزون یا کوئی بھی ای کامرس کمپنی اس طرح کے اہم انتباہات کے لیے آپ کو SMS یا WhatsApp پر کبھی رابطہ نہیں کرے گی۔
