پنجاب حکومت اور مرکزی بینک میں اسموگ ایمرجنسی کے پیش نظر ہفتے میں چار روز بینک رکھنے پر اتفاق ہوگیا ہے۔
نگراں وزیر اعلیٰ پنجاب محسن نقوی نے گورنر اسٹیٹ بینک آف پاکستان جمیل احمد کو ٹیلی فون کرکے اسموگ سے متعلق سنگینی حالات سے آگاہ کیا۔
محسن نقوی نے جمیل احمد سے جمعرات، جمعہ اور ہفتے کو پنجاب کے 8 اضلاع میں بینک بند رکھنے کی درخواست کی، مرکزی بینک کے سربراہ نے نگراں وزیراعلیٰ کی تجویز سے اتفاق کیا ہے۔
اب ذرائع پنجاب حکومت کا کہنا ہے کہ صوبے میں اسموگ کی بڑھتی صورتحال کے پیش نظر جمعرات، جمعہ اور ہفتہ کو بھی بینک بند رہیں گے۔
خیال رہے کہ پاکستان کے دوسرے بڑے شہر لاہور میں فصائی آلودگی اور دھند کے باعث دمے کے کیسز روزانہ اوسطاً 10ہزار تک اضافہ دیکھا جارہا ہے۔
گزشتہ روز اسموگ کی بڑھتی صورتحال کے پیش نظر نگراں پنجاب حکومت نے لاہورسمیت چھ اضلاع کے تعلیمی اداروں و دفاتر میں جمعرات سے اتوار تک چھٹی جب کہ مارکیٹیں ہفتے اور اتوار کو بند رکھنے کا فیصلہ کیا ہے۔
