خواتین کی ہرممکن کوشش ہوتی ہے کہ وہ گھریلو کاموں کو وقت پرانجام دیں، اس مقصد کیلئے وقت بچانا بہت اہم ہوتا ہے تا کہ کم وقت میں زیادہ سے زیادہ کام سرانجام دیے جاسکیں۔ ۔
کچن کی بات کی جائے تو کم وقت میں جلدی کھانا تیارکرنے کیلئے پریشرکُکر کا استعال خواتین کی اس معاملے میں کافی مدد کرتا ہے۔
لیکن پریشر کُکرحادثات کی وجہ بھی بن بن سکتا ہے اس لیے بہت سی خواتین اسے استعمال کرتے ہوئے ڈرتی بھی ہیں۔
چند غلطیاں یقینناً خطرناک حادثات سے دوچار کرسکتی ہیں لیکن خواتین احتیاطی تدابیر کو بروئے کار لاتے ہوئے پریشر کُکر میں با آسانی اور محفوظ طریقے سے کھانا تیار کرسکتی ہیں۔
کارپٹ اور صوفوں کو چھوٹے کیڑوں سے بچانے کے آزمودہ ٹوٹکے
تکیے کے نیچے لہسن کا ایک جوا رکھنے کے حیرت انگیز فوائد
گاجروں کو آسان طریقوں سے تروتازہ رکھیں
پریشر کُکرمیں کھانا پکانے سے قبل ایک دفعہ کُکر کا معائنہ یقینی بنائیں۔ اس میں لگا ربڑ لازمی چیک کریں۔
اس کےعلاوہ جب آپ پریشر کُکر خریدیں تو حفاظتی تدابیر لازمی پڑھیں۔
کھانا پکانے سے قبل اس بات کا لازمی خیال رکھیں کہ جس والو سے بھاپ نکلتی ہے وہ صاف اور شفاف ہو۔
پریشر ککر کا ربڑ نہ تو خشک ہو اور نہ ہی یا پھٹا ہوا ہو، ماہرین سالانہ اس کا ربڑ تبدیل کرنے کی سفارش کرتے ہیں۔
کُکر میں کھانا پکاتے ہوئے اس بات کا لازمی خیال رکھیں کہ پریشر کُکر کو دو تہائی سے زیادہ نہ بھریں۔
یہ عمل کھانے سے وینٹس کو بلاک کرنے کے امکانات کو کم کرتا ہے، خصوصاً پھلیاں اور اناج پکاتے وقت پریشر کُکر کو پانی سے صرف آدھا بھریں۔
پریشر کُکر کو بھاپ بنانے کے لیے پانی کی ضرورت ہوتی ہے، جو دراصل چیزوں کو گلاتی ہے۔
بھاپ کیلئے کم از کم 2 کپ پانی پریشر کُکر میں لازمی شامل کریں، اس کے باوجود بھی اگر بھاپ نہ آئے توآپ مزید پانی شامل کرسکتے ہیں۔
جھاگ بھاپ کے والوز(valves) اور پریشر ریلیز وینٹس کو روک سکتا ہے۔ پاستا، مٹر، دلیہ اور کرین بیریز کو پکانے میں جھاگ بنتا ہے۔
لہذا ان کھانوں سے اجتناب کریں جن سے پریشر کُکر میں جھاگ بننے کے امکانات بڑھتے ہوں۔
ماہرین کے مطابق پریشر کُکر میں تیل کی زیادہ مقداراستعمال کرنا بہت خطرناک ہوسکتا ہے، یہ ربڑ اور دیگر حصوں کو پگھلا سکتا ہے۔
کھانا پکاتے وقت تیل کی کم مقدار استعمال کریں، بعد ازاں تیل کو گوشت گلانے کے بعد بھی اپنے مطابق شامل کیا جاسکتا ہے۔
سیٹی آنے کے بعد پریشر کُکر کو فوراً نہ کھولیں، بھاپ مکمل طور پر باہرنکلنے اورآواز بند ہونے کے بعد ڈھکن ہٹائیں۔
خواتین اس بات کو یقینی بنائیں کہ ڈھکن کھولتے وقت اپنا چہرہ، ہاتھ اور جسم کُکر سے دور رکھیں۔
ہر استعمال کے بعد پریشر کُکر کو اچھی طرح سے دھوئیں، دھونے کے فوراً بعد کُکر کو بند نہ کریں بلکہ اُلٹا کر کے رکھیں۔
