چیئرمین سینیٹ صادق سنجرانی کی زیر صدارت ایوان بالا کا اجلاس ہوا۔ جس میں کم عمر بچوں کی شادی کی ممانعت سمیت متعدد ترمیمی بلز پیش کیے گئے۔ اجلاس میں دہشت گرد حملوں میں فورسز کے شہدا اور فلسطینیوں کیلئے دعائے مغفرت کی گئی۔ سینیٹ اجلاس کل صبح ساڑھے دس بجے تک ملتوی کردیا گیا۔
سینیٹ اجلاس میں آج نجی کارروائی کا دن تھا ۔ اجلاس میں متعدد ترمیمی بلز پیش کیے گئے، جبکہ سینیٹرز نے گوادراور ڈی آئی خان میں فورسز کے شہدا اور فلسطینیوں کےلیے دعائے مغفرت کی۔
سینیٹر شہادت اعوان نے پاکستان کے ناموں اور نشانات کے غیر مجاذ استعمال کی ممانعت کا ترمیمی بل 2023 ایوان میں پیش کیا تو نگران حکومت نے بل کو موخر کرنے کی استدعا کی۔
نگران وزیر خلیل جارج نے مؤقف اپنایا کہ کابینہ اور فنانس ڈویژن اس پر ابھی کام کر رہے ہیں۔
بل میں کہا گیا ہے ریاستی اداروں کا نام استعمال کرنے پر جرمانہ 500 سے بڑھا کر 50 ہزار روپے کیا جائے۔
شہادت اعوان بولے ریاستی اداروں کا نام استعمال کرنے پر محض 500 روپے جرمانہ کیا جاتا تھا، بحریہ، فضائیہ جیسے ناموں کو نجی انٹرپرائزز کے لیے استعمال کیا جاتا ہے۔
نگران وزیر خلیل جارج نے بتایا کہ کابینہ اور فنانس ڈویژن ابھی اس پر کام کررہے ہیں جس کے بعد چئیرمین سینیٹ نے بل متعلقہ قائمہ کمیٹی کو بھجوا دیا۔
تحریک انصاف کی سینیٹر ثانیہ نشتر کو ایوان بالا میں بل پیش کرنے کی اجازت نہ ملی ، ایوان بالا نے پاکستان مستقبل کونسل کے بل کی تحریک ووٹنگ کے ذریعے مسترد کر دی۔
چیئرمین سینیٹ نے بل کی تحریک پیش کرنے کیلئے ووٹنگ کرادی جس کے بعد ایوان بالا نے بل پیش کرنے کی تحریک مسترد کی، بل کے حق میں16 اور مخالفت میں 25 ووٹ آئے۔
سینیٹ اجلاس میں سینیٹر ثانیہ نشتر کی فوڈ سکیورٹی سے متعلق قرار داد بھی اسوقت مسترد ہوئی جب قرار داد کے حق میں 11 جبکہ مخالفت میں 22 ووٹ آئے۔
بل سینیٹر بہرہ مند تنگی نے پیش کیا۔ چئیرمین سینیٹ صادق سنجرانی نے بل متعلقہ قائمہ کمیٹی کو بھجوا دیا۔
بل فوزیہ ارشد نے پیش کیا۔ چئیرمین سینیٹ نے یہ بل بھی متعلقہ قائمہ کمیٹی کو بھجوایا۔
بل مہرتاج روغانی نے پیش کیا، چیئرمین سینیٹ نے وزیر صحت کو مخاطب کرتے ہوئے کہا کہ کیا آپ اتفاق کریں گے۔ جس پر وفاقی وزیر صحت ندیم جان نے کہا کہ جی کمیٹی کو بھجوا دیں۔ چئیرمن سینیٹ نے بل متعلقہ قائمہ کمیٹی کو بھجوا دیا۔
بل سینیٹر ڈاکٹر شہادت اعوان نے پیش کیا۔ چیئرمین سینیٹ نے بل کو متعلقہ کمیٹی کو بھجوا دیا۔
یہ بل بھی شہادت اعوان نے پیش کیا۔ چیئرمین سینیٹ نے بل متعلقہ قائمہ کمیٹی کو بھجوا دیا۔
بل سینیٹر پلوشہ خان نے پیش کیا۔ چیئرمن سینیٹ نے بل متعلقہ قائمہ کمیٹی کو بھجوا دیا۔
بل ذیشان خانزادہ نے پیش کیا۔ صادق سنجرانی نے بل متعلقہ قائمہ کمیٹی کو بھجوا دیا۔
یہ بل ثانیہ نشتر نے پیش کیا۔ چئیرمین سینیٹ نے بل متعلقہ قائمہ کمیٹی کو بھجوا دیا۔
یہ بل بھی شہادت اعوان نے پیش کیا۔ چئیرمین سینیٹ صادق سنجرانی نے بل متعلقہ قائمہ کمیٹی کو بھجوا دیا۔
بل بھی سینیٹر ثانیہ نشتر نے پیش کیا۔ صادق سنجرانی نے دیگر بلز کی طرح یہ متعلقہ قائمہ کمیٹی کو بھجوا دیا۔
