متحدہ قومی موومنٹ (ایم کیو ایم) پاکستان کے سینئر ڈپٹی کنوینر مصطفیٰ کمال نے کہا ہے کہ ہم نے راتوں کو جاگ کر آپ کی صبح بہتر بنانے کی کوشش کی ہے، اللّٰہ نے ہماری بات آپ کے دل میں ڈالی ہے تو رب کو پتہ ہے ہماری نیت صاف ہے، بلدیہ کی پسماندگی دیکھ کر خالد مقبول نے مجھے یہاں سے نامزد کردیا۔
کراچی کے بلدیہ ٹاؤن کے علاقے سعیدآباد میں عوامی رابطہ مہم کے حوالے سے اجتماع سے خطاب کرتے ہوئے مصطفیٰ کمال نے کہا کہ آپ ایم کیو ایم کو اپنی پارٹی سمجھیں، ہم پر جو واجب نہیں تھا اس سے زیادہ قرض ادا کیا ہے، ہمارے قول و فعل میں تضاد نہیں ہے۔
رہنما ایم کیو ایم نے کہا کہ آج تک کسی پارٹی نے اپنے لیڈر کو الگ نہیں کیا، صرف ایم کیو ایم ہے جس نے لیڈر سے علیحدگی اختیار کی۔
مصطفیٰ کمال کہنا تھا کہ الیکشن کون جیتے، کون ہارے لیکن بلدیہ کے عوام نے ایم کیو ایم پاکستان کا دل جیت لیا۔
انہوں نے مزید کہا کہ بلدیہ کے عوام کی غربت و پسماندگی دیکھ کر ڈاکٹر خالد مقبول صدیقی نے بلدیہ سے مجھے نامزد کردیا ہے، ماضی میں بلدیہ کے حالات ایسے نہ تھے، بلدیہ ٹاؤن کے عوام کو حب ڈیم سے 7 لاکھ گیلن پانی ہم نے دیا۔
انہوں نے کہا کہ آج بلدیہ ٹاؤن کی لائن میں لاتعداد غیرقانونی کنکشن کر کے اسے تباہ کر دیا گیا ہے، بلدیہ ٹاؤن کے عوام سے کہتا ہوں تمام بروں میں ہم کم برے ہیں اور ہم اپنی برائی مزید کم کر رہے ہیں۔
جماعت اسلامی سے بڑا منافق اور مہاجر دشمن کوئی نہیں، ایم کیوایم
سندھ کی تقسیم نہیں چاہتے، دھرتی ماں صرف پاکستان ہے صوبے نہیں، خالدمقبول
مصطفیٰ کمال نے یہ بھی کہا کہ 15 برس میں پیپلز پارٹی کی صوبائی حکومت نے بلدیہ ٹاؤن سمیت کراچی کو مکمل تباہ کردیا، بلدیہ ٹاؤن میں اسٹیڈیم کالج پارک اسپتال بنائے مگر اسے سنبھالنے کے بجائے تباہ کر دیا گیا۔
