کراچی کے علاقے گلشن حدید میں شہر کو پانی سپلائی کرنے والی لائن پھٹ گئی، مین لائن پھٹنے سے لاکھوں گیلن پانی سڑک پرآگیا۔
ترجمان واٹرکارپوریشن کے مطابق اسٹیل ٹاؤن میں پھٹنے والی لائن 54 انچ کی ہے، عملہ لائن کی مرمت کے لیے موقع پر پہنچ گیا ہے، لائن پھٹنے سے قائد اعظم پارک بھی زیر آب آگیا۔
چھٹی کے روز فیملیز نے تفریح گاہ کا رخ کیا تھا لیکن پانی کے اخراج کے باعث انتظامیہ نے پارک خالی کروالیا۔
کراچی میں پانی کی قلت کے باعث شہری پہلے ہی مشکلات شکار ہیں۔
شہریوں کا کہنا ہے کہ لائن کی بروقت مرمت کرکے پانی کو ضائع ہونے سے بچایا جاسکتا ہے۔
