بالی ووڈ کی مشہور پروڈکشن ہاؤس میچ باکس شاٹس نے مقتول پنجابی گلوکار سدھو موسے والا کی زندگی پر فلم بنانے کے حقوق حاصل کرلئے۔

بھارتی میڈیا کے مطابق یہ فلم نامور کرائم جرنلسٹ جوپندر جیت سنگھ کی کتاب ’Who Killed Moosewala‘ پر مبنی ہوگی اور اس کے رائٹس مصنف سے لے لیے گئے ہیں۔

چوپندر جیت سنگھ کی کتاب نامور گلوکارسدھو موسے والا کی زندگی کے گرد گھومتی ہے جسے مئی 2022 میں گولیاں مار کر قتل کردیا گیا تھا۔

کتاب کے مصنف نے اس بات پر خوشی کا اظہار کیا ہے کہ میچ باکس شاٹس والوں نے کتاب کو ویڈیو فارمیٹ میں لوگوں کے سامنے لانے کا فیصلہ کیا ہے۔

یاد رہے کہ کینیڈین پنجابی گینگسٹر گولڈی برار جو کہ لارنس بشنوئی گروپ کا حصہ ہے اس نے گلوکار کے قتل کی ذمہ داری قبول کی ہے۔