لاہور میں امریکی قونصل جنرل کرسٹین کے ہاکنز نے پاکستان مسلم لیگ (ق) کے رہنما چوہدری سرور سے ان کی رہائش گاہ پر ملاقات کی ہے۔

چوہدری سرور کی رہائشگاہ آمد پر امریکی قونصل جنرل کو خوش آمدید کہا گیا۔

کرسٹین کے ہاکنز نے مسلم لیگ ق کے رہنما سے ملاقات میں ان کے بھائی حاجی رمضان کی وفات پر اظہار افسوس کیا۔ ملاقات میں باہمی تعاون بڑھانے پر تبادلہ خیال کیا گیا۔

چوہدری سرور نے کہا کہ تعلیم، صحت اور آئی ٹی کے شعبوں میں تعاون کو بڑھانے کی ضرورت ہے۔

اس موقع پر چوہدری سرور نے کہا کہ ’امریکا سے درخواست ہے کہ غزہ پر اسرائیلی حملے رکوانے میں اپنا کردار ادا کریں۔ فلسطین کے مسئلے کا دو ریاستی حل نکالا جائے‘۔

یہ بھی پڑھیں :

نگراں وزیراعلیٰ پنجاب سے امریکی قونصل جنرل کی ملاقات

امریکی سفیر کی نگراں وزیراعظم سے ملاقات، شفاف انتخابات، آئی ایم ایف معاہدے پر عمل پر زور

امریکی سفیر کی نگراں وزیراعلیٰ اور آئی جی پنجاب سے ملاقاتیں، قانون کی حکمرانی پر زور

ان کا کہنا تھا کہ جڑواں شہروں کے منصوبے کے تحت پنجاب میں عوامی فلاح و بہبود کے منصوبوں پر کام کرنے کی اشد ضرورت ہے۔