ایلون مسک کی پُرمزاح اور غیر روایتی تجاویز نے ایک بار پھر ٹیکنالوجی کی دنیا کو اپنی جانب متوجہ کرلیا ہے۔ اس بار ٹیسلا اور اسپیس ایکس جیسی کمپنیوں کے مالک نے میٹا کے چیف ایگزیکیوٹیو آفیسر (سی ای او) مارک زکربرگ کو ایک بڑی پیشکش کی ہے۔
ایلون مسک نے زکربرگ کو اس شرط پر ایک ارب ڈالر کی آفر دی ہے کہ وہ فیس بک کانام تبدیل کردیں۔
انہوں نے فیس بک کے نئے نام کے طور پر غیراخلاقی لفظ تجویز کیا۔
نام کی تبدیلی کے لیے ایک بلین ڈالر کی پیشکش کرنے پر مسک کی رضامندی کوئی نئی بات نہیں ہے۔
مزید پڑھیں: ایلون مسک کے والد کا سوتیلی بیٹی سے ”اپنے“ دوسرے بچے کی پیدائش کا انکشاف
اس سے قبل انہوں نے ویکیپیڈیا کو تجویز دی تھی کہ وہ اپنا نام تبدیل کرکے ’ڈکی پیڈیا‘ رکھ لے۔
تاہم، اس بار مسک نے واضح کیا کہ نیا نام کم از کم ایک سال تک قائم رہنا چاہیے۔
