چیئرمین پی ٹی آئی کی جیل میں طبیعت ناساز ہوگئی جس پر ڈاکٹرز کی ٹیم نے بیرک میں پی ٹی آئی چیرمین کا چیک کیا۔
جیل ذرائع کے مطابق سائفر کیس میں اڈیالہ جیل میں قید چیرمین پی ٹی آئی کی طبیعت ناساز ہوگئی اور ڈاکٹر کی ٹیم نے ان کا طبی معائنہ کیا۔
جیل ذرائع نے بتایا کہ پی ٹی آئی چیرمین کو رات گئے معدے میں درد کی تکلیف تھی، جس پر ڈاکٹرز کی ٹیم نے بیرک میں پی ٹی آئی چیرمین کا چیک کیا، اور اس دوران جیل انتظامیہ بھی موجود تھی۔
جیل ذرائع کے مطابق ڈاکٹرز کی جانب سے پی ٹی آئی چیرمین کو ادویات بھی فراہم کی گئیں۔
عمران خان کی جیل میں طبیعت ناسازی اور ان کے ساتھ ہونے والے سلوک کے حوالے سے کافی باتیں گردش کر رہی ہیں، عام لوگ تو ایک طرف عمران خان کے اپنے وکیل آفتاب باجوہ کہتے ہیں کہ ’خان صاحب نے ہم سب وکلاء کو بتا دیا ہے کہ ان کو سلو پوائزننگ ہو رہی ہے‘۔
تاہم، بعد میں یوٹرن لیتے ہوئے انہوں نے کہا کہ ’عمران خان نے چار پانچ مرتبہ سلو پوائزننگ کی بات کی، جو مجھے سمجھنے میں غلطی ہوئی، وہ یہ کہہ رہے تھے کہ مجھے سلو پوائزننگ دی جاسکتی ہے اور اس کی کوشش بھی ہو رہی ہے، انہوں نے اس خطرے کا اظہار کیا ہے‘۔
