نگراں وزیر داخلہ سرفراز بگٹی سے برطانوی ہائی کمشنر جین میریٹ نے ملاقات کی ہے، ملاقات میں دونوں ممالک کے مابین مختلف شعبوں میں تعلقات کو آگے بڑھانے پر اتفاق کیا گیا۔
سرفراز بگٹی کا کہنا تھا کہ پاکستان برطانیہ کے ساتھ دوستانہ تعلقات کو اہمیت دیتا ہے، پرامن اور شفاف الیکشن کرانا نگراں حکومت کی ترجیح ہے۔
وزیر داخلہ نے کہا کہ انتخابات کے انعقاد میں الیکشن کمیشن کو ہر ممکن تعاون فراہم کریں گے۔
ان کا مزید کہنا تھا کہ برطانیہ میں مقیم پاکستانی کمیونٹی کا دونوں ملکوں کی ترقی میں خصوصی کردار قابل تعریف ہے۔
برطانوی ہائی کمشنر نے افغان مہاجرین کی برطانیہ منتقلی میں سہولت فراہم کرنے پر وزیر داخلہ کا شکریہ ادا کیا۔
