سندھ کے نگراں وزراء سرکاری محکموں میں اپنے من پسند سیکرٹریز مقرر کرنے کے لئے کوشش میں لگ گئے۔

ذرائع کا کہنا ہے کہ اہم محکموں کے سیکریٹریز عہدوں سے غائب ہیں تاہم نگراں حکومت کی جانب سے سیکریٹریز مقرر نہیں کیے جا سکے جس کی وجہ سے حکومت کی کارکردگی شدید متاثر ہوگئی۔

ذرائع سندھ حکومت کے مطابق نگراں وزرا پہلے سے موجود سیکرٹریز کو عہدوں سے ہٹوا کر اپنی من پسند کے سیکریٹریز مقرر کرنےکے لیے کوشاں ہیں۔

ذرائع نے بتایا کہ سندھ سیکریٹریٹ میں 17 سے 19 گریڈ کے 200 عہدے خالی ہیں، 14 سے زائد سیکریٹریز بغیر پوسٹنگ کے ایس اینڈ جی اے ڈی میں موجود ہیں۔

یہ بھی پڑھیں:

سرکاری محکموں کے 60 سیکریٹریز، سربراہان کیخلاف توہین عدالت کی درخواستدائر

سپریم کورٹ کا محکمہ تعلیم سندھ میں جعلی بھرتیوں پرتحقیقاتی کمیٹیبنانے کا حکم

عہدےخالی لیکن انتظار میں بیٹھے افسران کوعہدوں پرتعینات نہیں کیا جا رہا، ویمن ڈیولپمنٹ کے سیکریٹریز، لینڈ یوٹیلائیزیشن کے رکن کا عہدہ بھی خالی ہے۔

سندھ حکومت ذرائع نے مزید کہا کہ پبلک ہیلتھ انجنیئرنگ، سوشل پروٹیکشن سمیت آئی ٹی محکمے میں بھی کئی عہدے خالی ہیں جہاں اب تک پوسٹنگ نہیں کی گئی۔