سانحہ 9 مئی کے اشتہاری ملزمان کی جائیدادوں کی تفصیلات پولیس نے حاصل کرلیں، عدالتی احکامات کے بعد ملزمان کی جائیدادوں کو سیل کر دیا جائے گا۔
تفصیلات کے مطابق سانحہ 9 مئی کے اشتہاری ملزمان کی جائیدادوں کی تفصیلات پولیس کو مل گئیں، اشتہاری ملزمان کی پراپرٹیز کو سیل کروانے کے لیے جوائنٹ انویسٹی گیشن ٹیم (جے آئی ٹی) عدالت سے اجازت طلب کرے گی۔
جوائنٹ انوسٹی گیشن حکام کے مطابق 22 اشتہاری ملزمان کے خلاف کارروائی کے لیے ان کی پراپرٹیز کی تفصیلات مختلف اداروں سے مانگی گئی تھیں، جس کے بعد ایل ڈی اے ، ایف بی آر سمیت دیگر اداروں نے جوائنٹ انویسٹی گیشن ٹیم کو ان ملزمان کی جائیدادوں کی تفصیلات فراہم کیں۔
اشتہاری ملزمان میاں اسلم اقبال، حماد اظہر، زبیر نیازی، مراد سعید، علی امین گنڈا پور اور امتیاز شیخ سمیت 22 ملزمان کی تفصیلات جے آئی ٹی کو فراہم کی گئی ہیں۔
جناح ہاؤس حملہ کیس: عدالت نے 28 ملزمان کے اشتہار جاریکردیے
سانحہ 9 مئی جلاؤ گھراؤ کیس: 36 ملزمان کی عبوری ضمانت میںتوسیع
سابق رکن قومی اسمبلی سمیت 4 مفرور پی ٹی آئی رہنما اشتہاریقرار
جے آئی ٹی حکام کا کہنا تھا کہ اشتہاری ملزمان کی جائیدادوں کو عدالتی احکامات کے بعد سیل کر دیا جائے گا۔
