چیف جسٹس پاکستان قاضی فائز عیسیٰ نے جوڈیشل کونسل کا اجلاس طلب کرلیا ہے جس میں ججز کیخلاف زیر التواء شکایات پر غور کیا جائے گا۔

چیف جسٹس پاکستان قاضی فائزعیسیٰ نے سپریم جوڈیشل کونسل کا اجلاس طلب کرلیا ہے، چیف جسٹس کی سربراہی میں جوڈیشل کونسل کا اجلاس کل ساڑھے 11 بجے شروع ہوگا۔

ذرائع کے مطابق جسٹس مظاہرنقوی سمیت دیگر ججز کے خلاف شکایات سپریم جوڈیشل کونسل میں جمع کرائی گئی تھیں۔ جوڈیشل کونسل کا اجلاس ججز کیخلاف زیر التواء شکایات پر غور کے لیے طلب کیا گیا ہے۔

سابق چیف جسٹس نے جسٹس مظاہر نقوی کیخلاف شکایت اسکروٹنی کیلئے سینئر جج جسٹس سردار طارق کو بھجوائی تھی، اور جسٹس سردار طارق نے جسٹس مظاہرنقوی کے خلاف شکایت پر قانونی رائے 25 ستمبرکو دی تھی۔

واضح رہے کہ جسٹس مظاہر نقوی کے خلاف رواں سال 10 شکایات سپریم جوڈیشل کونسل میں دائر کی گئیں۔