حکومت نے جوڈیشل کمپلیکس حملہ کیس میں پی ٹی آئی کے رہنما ذلفی بخاری کے ریڈ وارنٹ کیلئے کارروائی شروع کردی۔
وزارت داخلہ نے ایف آئی اے کو خط کے زریعے انٹرپول فرانس سے رابطہ کرنے کی ہدایت کی ہے۔
خط میں کہا گیا کہ ایف آئی اے انٹرپول کے ذریعے ذلفی بخاری کے ریڈ وارنٹ جاری کرے۔
خط میں بتایا گیا کہ وزارت داخلہ نے ایف آئی اے کو ذلفی بخاری کے ریڈ وارنٹ جاری کرنے کی منظوری دے دی ہے۔
پی ٹی آئی رہنما کے خلاف 18 مارچ کو تھانہ گولڑہ میں انسداد دہشت گردی ایکٹ کے تحت مقدمہ درج ہوا تھا، جس کے بعد سے وہ بیرون ملک میں مقیم ہیں۔
زلفی بخاری اسلام آباد پولیس کو ایف آئی آر نمبر143 میں مطلوب ہیں۔
ایف آئی اے انٹرپول کے ذریعے زلفی بخاری کی گرفتاری کی قانونی کارروائی شروع کرے گا۔
