انسانی جسم کو صحتمند رکھنے کیلئے متوازن غذا کےساتھ ساتھ طرزِ زندگی کا مناسب ہونا بھی اہمیت کا حامل ہے۔
پھلوں اور سبزیوں میں وٹامنز اور معدنیات وافر مقدار میں پائے جاتے ہیں، جو انسانی جسم کو بیش بہا فوائد پہنچاتے ہیں۔
اس کے علاوہ ’وٹامن ڈی‘ جیسا ضروری وٹامن سورج کی روشنی کے ذریعے ایک بہترین مقدار میں حاصل کیا جاسکتا ہے۔
یہ وٹامن ہڈیوں کی صحت اور مدافعتی نظام سمیت صحت کے بہت سے پہلوؤں میں کُلیدی کردار ادا کرتا ہے۔
صحت مند گردوں کیلئے 7 اہم ترین غذائیں
جسم میں خون کی کمی کو پورا کرنے کیلئے یہ 5 جوس مفید ہیں
گردے میں پتھری کی بڑی وجہ اس وٹامن کی زیادتی ہے
اگرچہ سورج کی روشنی سے بھی یہ حاصل کیا جاسکتا ہے لیکن وٹامن ڈی 3 کو سپلیمنٹس کے ذریعے اپنی خوراک کا حصہ بنانا ایک بہترین انتخاب ہے۔
وٹامن ڈی کو اپنی غذا کا حصہ بنانا انسانی جسم کو یہ فوائد فراہم کرسکتا ہے۔
وٹامن ڈی 3 کیلشیم اور فاسفورس کو جذب کرنے کے عمل میں اہم کردارا دا کرتا ہے، یہ وٹامن مضبوط اور صحت مند ہڈیوں کو برقرار رکھنے کے لیے انتہائی ضروری ہیں۔
وٹامن ڈی ہڈیوں کی نشوونما کیلئے بھی ضروری ہے، یہ ہڈی کے پرانے ٹشوز کو ہٹاتے ہوئے نئے ٹشوز کو تشکیل دیتا ہے۔
وٹامن ڈی مدافعتی نظام کو بہتر کرتے ہوئے جسم میں موجود انفیکشنز کے خطرات کو کم کرتا ہے۔
ایک تحقیق کے مطابق موٹاپا وٹامن ڈی کی کم سطح سے منسلک ہوتا ہے، وٹامن ڈی جسم میں موجود اضافی چربی کے خلیات کی نشوونما کو منظم کرکے اور ہارمونز کی سطح کو تبدیل کرتے ہوئے وزن پر اثر انداز ہوتا ہے۔
وٹامن ڈی 3 ’سیروٹونن(serotonin)‘ جیسے نیورو ٹرانسمیٹر کی پیداوار اورریگولیشن میں اہم کردار ادا کرتا ہے، جو موڈ کو خوشگوار بنانے میں اہم ہے۔
وٹامن ڈی 3 کی مناسب سطح موڈ اور مجموعی طور پر ذہنی صحت کو بہتر بنانے میں مدد کرتی ہے۔
وٹامن ڈی 3 قدرتی طور پر متعدد غذاؤں میں پایا جاتا ہے، مچھلی، انڈوں، پنیر اور گائے کا گوشت اس کا بہترین ذریعہ ہیں۔
