استحکام پاکستان پارٹی کے صدر عبدالعلیم خان کا کہنا ہے کہ پی ڈی ایم حکومت کی 16 ماہ کی کارکردگی کی وجہ سے عام آدمی مسلم لیگ ن کے خلاف بیانیہ قبول کرے گا، عوام تحریک انصاف (پی ٹی آئی) اور پاکستان ڈیموکریٹک موومنٹ (پی ڈی ایم) دونوں سے بیزار ہیں، استحکام پاکستان پارٹی ہی ان کی پہلی چوائس ہے۔
صدر استحکام پاکستان پارٹی علیم خان کی زیر صدارت ڈویژنل رہنماؤں کا اہم اجلاس لاہور میں ہوا، جس میں موجودہ ملکی سیاسی صورتحال اور پارٹی کے تنظیمی امور پر تبادلہ خیال کیا گیا۔
اجلاس سے گفتگو کرتے ہوئے علیم خان نے کہا کہ عوام پی ٹی آئی اور پی ڈی ایم سے بیزار ہیں، ہر شغص کو 16 ماہ میں حکومت کی “کارکردگی کا پتہ ہے اس لیے وہ اب صرف استحکام پاکستان پارٹی کے بیانیے پر یقین رکھتے ہیں، الیکشن کے بارے میں کوئی ابہام نہیں ہے اس لیے پارٹی رہنما فوری انتخابی مہم شروع کریں۔
پچھلے دور میں فیض حمید سمیت 5 افراد کا گینگ بنا، ڈی سی کا ریٹ 3 کروڑتھا، عبد العلیم خان
پارٹی صدر نے پنجاب کے ڈویژنل رہنماؤں کو اہم ٹاسک دیے اور ہدایت کی کہ تمام پارٹی رہنما باہر نکلیں اور عام آدمی تک پہنچیں، حقیقی تبدیلی آئے گی۔
