پاکستان تحریک انصاف (پی ٹی آئی) کو خیرباد کہہ کر استحکام پاکستان پارٹی میں شامل ہونے والے فرخ حبیب نے پارٹی کے سربراہ جہانگیر ترین سے ملاقات کی ہے۔
ذرائع کے مطابق ملاقات میں عون چوہدری بھی موجود تھے، جہانگیر ترین نے فرخ حبیب کو پارٹی میں شمولیت پر خوش آمدید کہا۔
ذرائع کا کہنا ہے کہ فرخ حبیب کو استحکام پاکستان پارٹی میں اہم عہدہ دیے جانے کا امکان ہے۔
خیال رہے کہ فرخ حبیب نے 16 اکتوبر کو پی ٹی آئی سے علیحدگی کا اعلان کیا تھا اور اسی دن استحکام پاکستان پارٹی میں شمولیت اختیار کرلی تھی۔
