کراچی کے علاقے سُرجانی ٹاون میں پانی کے ٹینک سے لاش ملنے کا معمہ حل ہوگیا، دوست ہی دوست کا قاتل نکلا، انویسٹی گیشن پولیس نے ملزم کو گرفتار کرلیا۔

ملزم نے اپنے ویڈیو بیان میں کہا کہ مقتول گھر کے معاملات میں دخل اندازی کر رہا تھا اورغلط نظر رکھ رہاتھا، مقتول کو کافی سمجھایا لیکن وہ باز نہیں آیا۔

سرجانی میں11جولائی کو گھرمیں پانی کے ٹینک سے فائق نامی شخص کی لاش ملی تھی، سرجانی ٹاون پولیس نے مقتول کے پڑوسی کو گرفتار کیا۔

پولیس کے مطابق ملزم نے مقتول کو جھگڑے کے دوران قتل کرکے لاش ٹینک میں پھینک دی تھی۔

پالیس کا کہنا ہے کہ ملزم ضیاء نے مقتول کی موٹر سائیکل نمائش چورنگی پر چھوڑی تھی، گرفتار ملزم نے قتل کا اعتراف کرلیا ہے۔