سعودی ولی عہد شہزادہ محمد بن سلمان سے امریکی سینیٹر کی ملاقات ہوئی، جس میں دو طرفہ امور سمیت غزہ کی صورتحال پر بھی تبادلہ خیال کیا گیا۔
سعودی ولی عہد اور امریکی سینیٹر لنڈسے گراہم سے ملاقات میں غزہ میں جاری فوجی کشیدگی کے حوالے سے گفتگو کی گئی، جس میں کشیدگی کو فوری طور پرروکنے کے لیے ہر ممکن کوشش کی ضرورت پرزوردیا گیا تاکہ خطے میں امن کو بحال کیا جاسکے۔
سعودی ولی عہد نے فلسطینی عوام کو ان کے جائز حقوق کے حصول کو یقینی بنانے کے لیے مستقل بنیادوں پر قیام امن کی ضرورت کو اجاگرکیا۔
اس موقع پر وزیر دفاع شہزادہ خالد بن سلمان بن عبدالعزیز اورامریکا میں سعودی عرب کی سفیر شہزادی ریما بنت بندر بن سلطان، وزیر مملکت اور رکن کابینہ قومی سلامتی کے مشیر ڈاکٹر مساعد بن محمد العیبان بھی موجود تھے۔
