ایک ہفتے میں اسٹیٹ بینک کے ذخائر میں اضافہ ہوگیا جبکہ ایک ہفتے میں کمرشل بینکوں کے ذخائر میں کمی دیکھی گئی۔

اسٹیٹ بینک کی زرمبادلہ کے ذخائر کی ہفتہ وار رپورٹ کے مطابق اسٹیٹ بینک کے ذخائر میں 6 کروڑ 70 لاکھ ڈالر کا اضافہ ہوا۔

جس کے بعد اسٹیٹ بینک کے ذخائر سات ارب چونسٹھ کروڑ ڈالر سے بڑھ کر سات ارب اکہتر کروڑ ڈالر ہوگئے۔

اسی دوران کمرشل بینکوں کے ذخائر ساڑے اٹھارہ کروڑ ڈالر کمی سے پانچ ارب انیس کروڑ ڈالر رہ گئے۔

ملکی مجموعی ذخائر گیارہ کروڑ ستر لاکھ ڈالر کم ہوکر 13 ارب ڈالر سے نیچے آنے کے بعد 12 ارب 91 کروڑ 20 لاکھ ڈالر رہ گئے۔

یہ بھی پڑھیں :

بڑے اضافے کے بعد سونے کی قمیتوں میں کمی آگئی

امریکی ڈالر دو روز اضافے کے بعد ایک بار پھر تنزلی کا شکار

روس سے سستے تیل کی خریداری کا معاہدہ طے پاگیا

رپورٹ کے مطابق اسٹیٹ بینک کے پاس پونے دو ماہ کی امپورٹ کے برابر ذخائر موجود ہیں۔