ہم جب بھی شاپنگ کر کے آتے ہیں تو ہماری پہلی کوشش ہوتی ہے کہ چیزوں پر سے قیمت (پرائس ٹیگ) والا اسٹیکر ہٹا دیں تاکہ اگر کسی کو تحفہ دینا ہو تو چیز کے سستا یا مہنگا ہونے کے بارے میں سوال جواب سے بچ سکیں۔
آپ کی نئی خریداری پر اسٹیکر کی باقیات چھوڑے بغیر ان پر سے قیمتوں کے اسٹیکرز کو اتارنا تقریباً ناممکن ہوتا ہے۔
لیکن یہاں ہم آپ کو کچھ ایسی تجاویز دے رہے ہیں جن سے پلاسٹک کی اشیاء پر موجود ان اسٹیکرز سے چھٹکارا پاسکتے ہیں۔
یہ چند آسان طریقے آپ کی یہ مشکل حل کر دیں گے۔
ہر گھر میں پانی موجود ہوتا ہے اور ڈش واش کرنے کا صابن یا لیکوئیڈ بھی۔ ایک پیالے میں تھوڑا سا ڈش سوپ شامل کریں اوراسے گرم پانی کے ساتھ مکس کریں۔
پلاسٹک کی شے کو پیالے میں رکھیں اور اسٹیکر کو تقریباً پندرہ منٹ تک بھگو دیں۔
آپ دیکھیں گے کہ اب یہ اسٹیکر آسانی سے صاف ہو جائے گا اور اس کی باقیات کو ایک چھوٹے برش سے ہٹا دیں۔
اس طریقہ میں آپ اسٹیکر کو گرم کرکے اس کو آسانی سے سطح سے علیحدہ کر سکتے ہیں۔
آپ کو صرف اتنا کرنا ہے کہ اسٹیکر والی جگہ پر اوپر سے صرف تیس سیکنڈ تک گرم ہوا لگائیں، اس کے بعد آپ اسٹیکر کو کھینچنے کے لئے کسی قسم کے سکریپنگ ٹول (یا اپنے ناخن) کا استعمال کرسکتے ہیں۔
ہم ہر چیز کیلئے اس طریقے کو استعمال نہیں کر سکتے، خاص طور پر جب آپ کی شے پتلے پلاسٹک سے بنی ہو۔
گھر سے چیونٹیوں کو فوری بھگانے کے لیے 3 آسان ٹوٹکے
پینٹ بٹر آپ کے سینڈوچ میں استعمال ہونے والا لذیذ اسپریڈ نہیں ہے بلکہ آپ کی نئی خریداری سے اسٹیکر کو ہٹانے میں بھی کارآمد ہے۔
آپ اسٹیکر کی باقیات پر تھوڑا سا پینٹ بٹر رگڑیں اور اسے پانچ منٹ تک رہنے دیں۔ پھر اسے صاف کریں اور پلاسٹک کی چیز کو دھولیں۔
آپ دیکھیں گے کے وہاں کوئی اسٹیکر کے باقیات موجود نہیں ہیں۔
اگرآپ کے پاس اوپر دی گئی چیزوں میں سے کوئی چیز موجود نہیں ہے تو آپ سرکہ یا زیتون کا تیل بھی استعمال کر سکتے ہیں۔
پیپر ٹاول پر تھوڑا سا زیتون کا تیل ڈال دیں اور اسے اسٹیکر کی باقیات پر رگڑیں یا سرکہ کو استعمال کریں اس طرح اسٹیکر کے باقیات آسانی سے الگ ہو جائیں گے۔
