پشاور کی چائلڈ پروٹیکشن کورٹ نے ریپ کے بعد بچی کو قتل کرنے والے ملزم کوجرم ثابت ہونے پرتین بار سزائے موت اور 10 لاکھ روپے کی سزا سنادی ہے۔

جج حنا مہوش نے ریپ کے بعد بچی کو قتل کرنے کے کیس کی سماعت کی، اس دوران پولیس نے بتایا کہ مجرم آصف رضا عرف ملنگ نے 8 سالہ بچی کو ریپ کے بعد قتل کیا تھا۔ بچی کو قتل کرنے کے بعد لاش جلائی اور قبرستان میں پھینک دیا تھا۔

پولیس کے مطابق ملزم کے خلاف تھانہ بڈھ بیر میں 302،364 اور 376 سمیت متعدد دفعات کے تحت مقدمہ درج کرکے تحقیقات کی گئیں۔

عدالت نے جرم ثابت ہونے کے بعد ملزم کو تین بار سزائے موت سنادی، بچی کے ریپ اور قتل کا واقعہ 18 نومبر 2020 کو پیش آیا تھا۔