لاہورمیں پولیس اہلکاروں نے چھاپے کے دوران لاکھوں مالیت کی قیمتی گھڑیاں چرالیں ہیں۔

پولیس ذرائع کا کہنا ہے کہ شاد باغ کے اہلکاروں نے شہری کے گھر سے گھڑیاں چرا لیں اور پولیس حکام کو شکایت کرنے پر اہلکاروں کو حراست میں لے لیا گیا ہے۔

ذرائع نے کہا کہ دوران تفتیش دونوں اہلکاروں سے قیمتی گھڑیاں برآمد کر لی گئیں ہیں، جبکہ اے ایس پی سلمان ظفر کی معاملے کو چھپانے کی کوشش کر رہے ہیں۔

اے ایس پی سلمان ظفر متاثرہ شہری پراہلکاروں سے صلح کے لئے دباو ڈال رہے ہیں، تین روز قبل اہلکاروں کو حراست میں لیا گیا مگر مقدمہ درج نہ ہو سکا۔

پولیس زرائع کا کہنا ہے کہ پولیس نے اشتہاری ملزم کی اطلاع پرماڈل ٹاون میں چھاپہ مارا تھا، اشتہاری تو نہ ملا مگر اہلکاروں نے گھر سے گھڑیاں چرالی تھیں۔