آئی سی سی ورلڈ کپ میں آسٹریلیا کے خلاف میچ کی تیاری کے حوالے سے پاکستان ٹیم مینجمنٹ بوکھلاہٹ کی شکار ہے، آج کا پریکٹس سیشن منسوخ کرنے کے بعد اب پریکٹس کرنے کا فیصلہ کیا ہے جبکہ قومی ٹیم آج شام 6 بجے سے رات 8 بجے تک چناسوامی اسٹیڈیم میں پریکٹس کرے گی۔
آئی سی سی ورلڈ کپ 2023 ایونٹ کے بڑے مقابلے جاری ہیں، پاکستان کرکٹ ٹیم جمعے کو آسٹریلیا کے مدمقابل ہوگی، اس سے قبل کرکٹ ٹیم کی آج ہونے والی پریکٹس منسوخ کردی گٸی تھی۔
قومی ٹیم اس وقت بنگلور میں موجود ہے، جہاں گزشتہ شب پاکستانی کرکٹرز اور آفیشلز کے لیے بنگلور کے مقامی ریسٹورنٹ میں ڈنر کا اہتمام کیا گیا جہاں قومی کھلاڑیوں نے باربی کیو اور مقامی کھانے کھائےجبکہ مسالہ چائے سے لطف اندوز بھی ہوئے۔
اس موقع پر ریسٹورنٹ اسٹاف نے قومی کرکٹرز کے ہمراہ تصاویر بھی بنوائیں۔
آسٹریلیا کے خلاف میچ کی تیاری کے حوالے سے پاکستان ٹیم مینجمنٹ بوکھلاہٹ کی شکار ہے، آج کا پریکٹس سیشن منسوخ کرنے کے بعد اب پریکٹس کرنے کا فیصلہ کیا ہے، پریکٹس سیشن آج شام 6 سے رات 8 بجے تک ہوگا۔
پاکستان ٹیم چنا سوامی اسٹیڈیم کی مصنوعی روشنیوں میں ٹریننگ کرے گی، قومی اسکواڈ فزیکل ٹریننگ اور فیلڈنگ ڈرلز کرے گا، کھلاڑی نیٹس میں جم کر بیٹنگ اور باؤلنگ کی مشقیں کریں گے
ذرائع کا کہنا ہے کہ بھارتی شہر بنگلورو میں آسٹریلیا کے خلاف گرین شرٹس کے اہم مقابلے سے قبل اوپنر فخر زمان اور لیگ اسپنر اسامہ میر مکمل فٹ ہوگئے۔
ذرائع کا بتانا ہے کہ فخر زمان گھٹنے کے درد اور اسامہ میر بخار میں مبتلا تھے جو اب صحتیاب ہوچکے ہیں اور ہوسکتا ہے کہ دونوں کھلاڑی آسٹریلیا کے خلاف میچ میں قومی ٹیم کا حصہ ہوں۔
واضح رہے کہ میگا ایونٹ میں پاکستان اب تک 3 میچز کھیل چکا ہے جس میں نیدرلینڈز اور سری لنکا کے خلاف کامیابی جب کہ بھارت کے خلاف 7 وکٹوں سے شکست کا سامنا کرنا پڑا تھا۔
ورلڈکپ: پاکستان کی مایوس کن کارکردگی، بھارت نے 7 وکٹوں سے دھولچٹادی
شعیب ملک نے کھیل میں بہتری لانے کیلئے بابر اعظم کو کیا مشورہدیا؟
