پنجاب حکومت کی ہدایت پر ہولی فیملی اسپتال کو تزین و آرائش کے باعث بند کرنے کے معاملے پر راولپنڈی کی ضلعی انتظامیہ نے مریضوں کو وفاق کے اسپتالوں میں منتقل کرنے کا فیصلہ کرلیا۔
اس حوالے سے کمشنر راولپنڈی نے اسلام آباد کے پمز اور پولی کلینک اسپتال انتظامیہ کو خط لکھ دیا۔
خط کے متن میں کہا گیا کہ زچگی اور گائنی کے مریضوں کو پمز اور پولی کلینک اسپتال میں داخل کیا جائے، ہولی فیملی اسپتال میں اپ گریڈیشن کے باعث سروسسز بند کردی گئیں ہیں۔
خط میں مزید کہا گیا کہ راولپنڈی سے منتقل ہونے والے مریضوں کو اسپتالوں میں داخل کیا جائے۔
