پاکستان سے 12 ہزار 96 مبینہ جعلی پاسپورٹ کے اجراء کے معاملے پر وزارت داخلہ نے معاملے کی تحقیقات کے لیے 5 رکنی اعلیٰ سطحی کمیٹی تشکیل دے دی جبکہ کمیٹی 15 دن کے اندر اپنی رپوٹ وزیر داخلہ کو پیش کرے گی۔
سعودی حکومت نے 12 ہزار 96 مبینہ جعلی پاسپورٹ پاکستانی سفارتخانے کے حوالے کیے تھے، وزارت داخلہ نے معاملے کی تحقیقات کے لیے 5 رکنی اعلی سطحی کمیٹی تشکیل دے دی، جس کی سربراہی ڈاریکٹر جنرل پاسپورٹ اینڈ امیگریشن کریں گے۔
وزارت داخلہ کی جانب سے جاری نوٹیفکیشن کی کاپی آج نیوز نے حاصل کرلی۔
نوٹیفکیشن کے مطابق ڈپٹی سیکرٹری ایف آئی اے وزارت داخلہ اور نادرا کا ایک ایک نمائندہ کمیٹی میں شامل ہوگا، اسٹنٹ ڈاریکٹر ایڈمن پاسپورٹ کمیٹی کے سیکرٹری ہوں گے۔
کمیٹی پاسپورٹ کے اجراء میں کوتاہی کا پتہ لگائے گی اور اس بات کا بھی تعین کرے گی کہ کن ادراروں کی ملی بھگت سے جعلی پاسپورٹ استعمال ہوئے۔
غیر قانونی مقیم غیرملکیوں کو سفارتخانوں کے تعاون سے واپس بھیجا جائےگا، اسلام آباد پولیس
افغان باشندوں کے جعلی شناختی کارڈ بنانے والے 20 ملزمانگرفتار
کمیٹی پاسپورٹ ایف آئی اے اور دیگر اداروں کی ذمہ داری کا تعین کرے گی مستقبل میں ان خطرات کو کیسے روکا جا سکتا ہے، اس پر تجاویز بھی جمع کرائے گی جبکہ کمیٹی 15 دن کےاندر اپنی رپوٹ وزیر داخلہ کو پیش کرے گی۔
