صدر مسلم لیگ (ن) پنجاب رانا ثنا اللہ نے کہا کہ مینارپاکستان پر نوازشریف کی قیادت میں نئی تاریخ لکھیں گے۔

رانا ثنا اللہ نے کہا کہ 21 اکتوبر سے ملک میں سیاست کا رنگ، ماحول بدل جائے گا، مایوسیوں کے خاتمے، امید و یقین کے نئے دور کا آغاز ہوگا۔

انہوں نے کہا کہ 2018 کی ترقی کا دور واپس آ رہا ہے، مینارپاکستان پر نوازشریف کی قیادت میں نئی تاریخ لکھیں گے۔

ان کا مزید کہنا ہے کہ کارکنوں اور عوام میں جوش و خروش بڑھ رہا ہے، 2018 سے 2022 کا تجربہ نہ ہوتا تو معیشت تباہ نہ ہوتی۔

واضح رہے کہ نواز شریف 21 اکتوبر کو وطن واپس پہنچیں گے اور ان کا وطن واپسی پراستقبال کیا جائے گا۔