سپریم کورٹ میں فیول پرائس ایڈجسٹمنٹ سے متعلق 1128 اپیلیں سماعت کے لیے مقرر کردی گئیں۔
چیف جسٹس قاضی فائز عیسیٰ کی سربراہی میں سپریم کورٹ کا 3 رکنی بینچ 16 اکتوبر بروز پیر کو سماعت کرے گا۔
جسٹس امین الدین خان، جسٹس اطہر من اللہ بھی بینچ میں شامل ہیں۔
رجسٹرار سپریم کورٹ نے اٹارنی جنرل اور بجلی سپلائرز کمپنیز کو نوٹسز جاری کردیے۔
گزشتہ سماعت پر چیف جسٹس قاضی فائز عیسیٰ نے ریمارکس دیے تھے کہ بجلی کی قیمتوں پر کیسز کا ڈھیر لگا ہوا ہے، اگلی سماعت پر التوا ملے گا نہ ہی ویڈیو لنک پر دلائل کی اجازت دیں گے۔
