پشاور ٹریفک پولیس اہلکاروں کی باڈی کیمس کے ذریعے 24 گھنٹے مانیٹرنگ کی جائے گی ساتھ ہی اِنہیں ڈیوٹی بھی پوری کرنی ہوگی۔

ٹریفک پولیس وارڈنز کے یونیفارم میں باڈی کیمس نصب کردیے گئے ہیں، باڈی کیمس کسی بھی واقع میں اور ٹریفک کی مانیٹرنگ میں ثبوت کے طور پر کردار ادا کریں گے۔

چیف ٹریفک آفیسر قمر حیات خان کے مطابق اب تک مختلف پوائنٹس پر 40 ٹریفک وارڈنز کو باڈی کیمس لگادئیے گئے۔

قمر حیات خان کا کہنا ہے کہ ٹرائیل مکمل ہونے کے بعد باقی اہلکاروں کو بھی جلد کیمس لگا دئیے جائیں گے۔

شہریوں نے بھی ٹریفک پولیس کے اس اقدام کو سراہتے ہوئے کہا کہ اب چالان لیتے وقت ان کی عزت نفس کا خیال رکھا جائے گا۔