شام کے سرکاری میڈیا نے دعویٰ کیا ہے کہ اسرائیل نے مبینہ فضائی حملوں میں حلب اور دمشق کے بین الاقوامی ہوائی اڈوں کو نشانہ بنایا ہے اور رن ویز کو تباہ کردیا ہے، جس سے جمعرات کو دونوں ہوائی اڈوں پر فضائی سروس معطل ہو گئی۔
شام کی سرکاری خبر رساں ایجنسی ”ثنا“ کو ایک فوجی ذریعے نے بتایا کہ شامی فوج ملک کے شمال میں انتہا پسند دہشت گرد گروہوں سے لڑ رہی ہے، جو اسرائیلی ادارے کا ایک مسلح بازو ہے۔
شامی فوجی ذرائع نے ہوائی اڈوں پر اسرائیلی فضائی حملوں پر کہا کہ ’یہ جارحیت مجرمانہ اسرائیلی فوج کی طرف سے غزہ میں کیے جانے والے جرائم اور فلسطینی مزاحمت کے ہاتھوں اسے ہونے والے بھاری نقصانات سے توجہ ہٹانے کی ایک مایوس کن کوشش ہے‘۔
اسرائیل کی پشت پر امریکا ہے، حماس کو داعش کی طرح کچلا جائے گا، امریکیوزیر خارجہ
ایران کا شام اور سعودی عرب سے رابطہ، اسرائیلی حملہ مسلم امہ کو متحدکر دے گا؟
اسرائیل پر حملہ کرنے والوں کے ہاتھ چومتے ہیں، آیت اللہ خامنہای
حملوں کے دوران ”ماہان ایئر“ کی ایک ایرانی پرواز جو شام میں اترنے والی تھی، واپس تہران کی طرف مڑ گئی۔
ماہان ایئر کو اسلامی انقلابی گارڈز کور (IRGC) اور حزب اللہ کے لیے ہتھیار، آپریٹو اور فنڈز کی نقل و حمل کے لیے جانا جاتا ہے۔
اسرائیل کا کہنا ہے کہ دمشق اور حلب کے بین الاقوامی ہوائی اڈوں کو ایران اکثر حزب اللہ سمیت خطے میں اپنے پراکسیوں کو ہتھیاروں، سازوسامان اور آپریٹو کی منتقلی کے لیے استعمال کرتا ہے۔
